لو أنت بتحب تلعب لعبه علي الكمبيوتر مثلا .. مينفعش تكون بتلعب اللعبه دي وأنت عمال متعصب وعمال تنفخ وتسب وتلعن!
ساعتها لازم تخسر ..أو لو كسبت وروحت لمرحلة اللي بعد كده هتعديها بعد ما يكون طلع عينك . مش بعد راحه نهائي ..
ربنا قال علي الدنيا اللي إحنا فيها دي
"وَمَا الْحَيَاةُ الدُّنْيَا إِلَّا لَعِبٌ وَلَهْوٌ"
من قوانين اللعبه اللي أنت فيها دلوقتي حالًا " الدنيا " إن أنت طول ما أنت بتلعب مينفعش تتعصب ..
مينفعش حاجه تخليك مضايق .. لأنك طول ما أنت مضايق طول ما أنت هتخسر ..وطول ما أنت مش هتعرف تروح للمستوي اللي بعد كده ..
بس للأسف إحنا بقينا نعامل الشخص الهادي . علي أنه بارد ومعندوش دم !
يعني تعصبني وتجيبلي الضغط والسكر علشان أعجب سيادتك ومتقولش عليا بارد ؟
إنما لو قابلت الموضوع " مشكله مثلا " بهدوء ومن غير ما تتعصب يبقي أنت بارد لكن لما تبقي زي اللي حواليك تتعصب معاهم بقي يبقي أنت كده تمام !
العصبيه "الغضب" ذكُر في القرآن مرتين .. والأتنين موضعهم كان سيء في القرآن ..
أولهم قصة سيدنا موسي
"وَلَمَّا رَجَعَ مُوسَىٰ إِلَىٰ قَوْمِهِ غَضْبَانَ أَسِفًا قَالَ بِئْسَمَا خَلَفْتُمُونِي مِن بَعْدِي ۖ أَعَجِلْتُمْ أَمْرَ رَبِّكُمْ ۖ وَأَلْقَى الْأَلْوَاحَ وَأَخَذَ بِرَأْسِ أَخِيهِ يَجُرُّهُ إِلَيْهِ"
عمل ايه ؟
ألقي الألواح !!
وأخذ برأس أخيه يجُره إليه !
ليه ؟ لأنه كان غضبان ومتعصب
حتي ربنا قال بعدها
"وَلَمَّا سَكَتَ عَنْ مُوسَى الْغَضَبُ أَخَذَ الأَلْوَاحَ وَفِي نُسْخَتِهَا هُدًى وَرَحْمَةٌ لِلَّذِينَ هُمْ لِرَبِّهِمْ يَرْهَبُونَ "
"ولما سكت " زي ما يكون الغضب هو اللي كان بيتكلم وبيفعل مش سيدنا موسي .!
والقصه التانيه لما سيدنا يونس ساب قومه ومشي
"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ"
بعدها بقي في بطن الحوت!
--
الفكره إن الغضب حاجة سيئه جدًا .. والعصبية وأنك تنفخ وتلعن بسبب حاجه حصلت لك مش حاجه كويسه علشان صحتك "علشان الغضب بيأثر علي الكبد "
ولا كويسه إنها تحل حاجه ..
يبقي لازم تقابل أي حاجه بهدوء .. "مش ببرود " في فرق !
مازلنا بنتكلم عن موضوع الغضب اللي للأسف أكثرية الناس بتقابل أي حدث أو أي مشكلة بعصبية وبتكسير وبتيجي علي أعصابها في أي حاجه..
فا عاوزك بقي أيه وأنت بتقرأ الكلام ده .. تهدي نفسك كده خلاص وتركز معايا أوي ..
في ناس بتقول إن سبب عصبيتها هي الأحداث والظروف والأشخاص اللي بره ..
حصل كذا فا إتعصبت .. فلان قالي كلمه ضايقتني جدًا وعصبتني جدًا ومقدرتش أمسك نفسي بصراحه فا رزعت التليفون بتاعي علي الأرض جبته ميت حته
وإرتحت ؟
لأ .. فضلت زعلان علي التليفون اللي باظ !
لازم تعرف حاجه ..
إن مفيش أي حاجه بره .. أو أي حدث أو أي شخص أيًا كان أنت بتضايق منه هو السبب في إن سيادتك تتعصب ..!
أنت السبب.!
يه ده ياعم هو اللي عصبني وقالي كذا وكذا !
ياعم أسمع مني .. أنت السبب وقرارك أنت .. لأنه مهما يعمل لو أنت مش عايز تتعصب مش هتتعصب ..
إزاي ..
أقولك..
مبدأيًا مفيش أي حاجه أيًا كانت هي أيه حصلت أو لسه هتحصل تستاهل أو تستدعي إن سيادتك تتعصب وتيجي علي صحتك وأعصابك ..أيًا كانت ؟
اه أيًا كانت ..
لأن في النهايه هتعدي .. بس لما هتعدي اللي هيفضل إن دمك محروق !
طب تعمل ايه ؟
أول لما يحصل حاجه تعصبك أو هتعرف إنك خلاص هتضايق وهتغضب خد نفس عميق وطلعه وقول جواك إن مفيش فعلا حاجه تستاهل إنك تتعصب ..
وبعدين ؟ ..لسه برضوا عاوز تطلع اللي جواك في حاجه ..
وهنا لازم تنفث عن اللي جواك في أي حاجه غير العصبيه نهائي..
مثلًا لو أنت شخص رياضي ..أنزل العب ضغط ..
لو بتحب حد طلع تليفونك وكلمه ..
فكر في حاجه بتحبها ..
المهم إنك متكتمش علشان متنفجرش مره واحده .. الكلام الي بقولهولك ده أتكلم عليه علماء نفس كتير بره لأن دي تقنيات نفسيه بتخليك إنك تقابل أي حدث بمُنتهي الراحه ومن غير ما يأثر عليك أو يعصب سيادتك !
---
الخلاصة ..
👇
خليك هادي.. طول ما أنت بتقابل أي حاجه براحه وبهدوء طول ماهتتحل بسرعة
ولا الزهر " أو اللعبة" اللي أنت بتلعبها هتكسبها طول ما أنت بتزعقلها كده !
أي حاجه قولها " طز" لأ مش كده
"طــــــــــــــــــزززززززززززززززززززز" لأنها فعًلا مش مستاهلة والله ..
ساعتها لازم تخسر ..أو لو كسبت وروحت لمرحلة اللي بعد كده هتعديها بعد ما يكون طلع عينك . مش بعد راحه نهائي ..
ربنا قال علي الدنيا اللي إحنا فيها دي
"وَمَا الْحَيَاةُ الدُّنْيَا إِلَّا لَعِبٌ وَلَهْوٌ"
من قوانين اللعبه اللي أنت فيها دلوقتي حالًا " الدنيا " إن أنت طول ما أنت بتلعب مينفعش تتعصب ..
مينفعش حاجه تخليك مضايق .. لأنك طول ما أنت مضايق طول ما أنت هتخسر ..وطول ما أنت مش هتعرف تروح للمستوي اللي بعد كده ..
بس للأسف إحنا بقينا نعامل الشخص الهادي . علي أنه بارد ومعندوش دم !
يعني تعصبني وتجيبلي الضغط والسكر علشان أعجب سيادتك ومتقولش عليا بارد ؟
إنما لو قابلت الموضوع " مشكله مثلا " بهدوء ومن غير ما تتعصب يبقي أنت بارد لكن لما تبقي زي اللي حواليك تتعصب معاهم بقي يبقي أنت كده تمام !
العصبيه "الغضب" ذكُر في القرآن مرتين .. والأتنين موضعهم كان سيء في القرآن ..
أولهم قصة سيدنا موسي
"وَلَمَّا رَجَعَ مُوسَىٰ إِلَىٰ قَوْمِهِ غَضْبَانَ أَسِفًا قَالَ بِئْسَمَا خَلَفْتُمُونِي مِن بَعْدِي ۖ أَعَجِلْتُمْ أَمْرَ رَبِّكُمْ ۖ وَأَلْقَى الْأَلْوَاحَ وَأَخَذَ بِرَأْسِ أَخِيهِ يَجُرُّهُ إِلَيْهِ"
عمل ايه ؟
ألقي الألواح !!
وأخذ برأس أخيه يجُره إليه !
ليه ؟ لأنه كان غضبان ومتعصب
حتي ربنا قال بعدها
"وَلَمَّا سَكَتَ عَنْ مُوسَى الْغَضَبُ أَخَذَ الأَلْوَاحَ وَفِي نُسْخَتِهَا هُدًى وَرَحْمَةٌ لِلَّذِينَ هُمْ لِرَبِّهِمْ يَرْهَبُونَ "
"ولما سكت " زي ما يكون الغضب هو اللي كان بيتكلم وبيفعل مش سيدنا موسي .!
والقصه التانيه لما سيدنا يونس ساب قومه ومشي
"وَذَا النُّونِ إِذ ذَّهَبَ مُغَاضِبًا فَظَنَّ أَن لَّن نَّقْدِرَ عَلَيْهِ"
بعدها بقي في بطن الحوت!
--
الفكره إن الغضب حاجة سيئه جدًا .. والعصبية وأنك تنفخ وتلعن بسبب حاجه حصلت لك مش حاجه كويسه علشان صحتك "علشان الغضب بيأثر علي الكبد "
ولا كويسه إنها تحل حاجه ..
يبقي لازم تقابل أي حاجه بهدوء .. "مش ببرود " في فرق !
مازلنا بنتكلم عن موضوع الغضب اللي للأسف أكثرية الناس بتقابل أي حدث أو أي مشكلة بعصبية وبتكسير وبتيجي علي أعصابها في أي حاجه..
فا عاوزك بقي أيه وأنت بتقرأ الكلام ده .. تهدي نفسك كده خلاص وتركز معايا أوي ..
في ناس بتقول إن سبب عصبيتها هي الأحداث والظروف والأشخاص اللي بره ..
حصل كذا فا إتعصبت .. فلان قالي كلمه ضايقتني جدًا وعصبتني جدًا ومقدرتش أمسك نفسي بصراحه فا رزعت التليفون بتاعي علي الأرض جبته ميت حته
وإرتحت ؟
لأ .. فضلت زعلان علي التليفون اللي باظ !
لازم تعرف حاجه ..
إن مفيش أي حاجه بره .. أو أي حدث أو أي شخص أيًا كان أنت بتضايق منه هو السبب في إن سيادتك تتعصب ..!
أنت السبب.!
يه ده ياعم هو اللي عصبني وقالي كذا وكذا !
ياعم أسمع مني .. أنت السبب وقرارك أنت .. لأنه مهما يعمل لو أنت مش عايز تتعصب مش هتتعصب ..
إزاي ..
أقولك..
مبدأيًا مفيش أي حاجه أيًا كانت هي أيه حصلت أو لسه هتحصل تستاهل أو تستدعي إن سيادتك تتعصب وتيجي علي صحتك وأعصابك ..أيًا كانت ؟
اه أيًا كانت ..
لأن في النهايه هتعدي .. بس لما هتعدي اللي هيفضل إن دمك محروق !
طب تعمل ايه ؟
أول لما يحصل حاجه تعصبك أو هتعرف إنك خلاص هتضايق وهتغضب خد نفس عميق وطلعه وقول جواك إن مفيش فعلا حاجه تستاهل إنك تتعصب ..
وبعدين ؟ ..لسه برضوا عاوز تطلع اللي جواك في حاجه ..
وهنا لازم تنفث عن اللي جواك في أي حاجه غير العصبيه نهائي..
مثلًا لو أنت شخص رياضي ..أنزل العب ضغط ..
لو بتحب حد طلع تليفونك وكلمه ..
فكر في حاجه بتحبها ..
المهم إنك متكتمش علشان متنفجرش مره واحده .. الكلام الي بقولهولك ده أتكلم عليه علماء نفس كتير بره لأن دي تقنيات نفسيه بتخليك إنك تقابل أي حدث بمُنتهي الراحه ومن غير ما يأثر عليك أو يعصب سيادتك !
---
الخلاصة ..
👇خليك هادي.. طول ما أنت بتقابل أي حاجه براحه وبهدوء طول ماهتتحل بسرعة
ولا الزهر " أو اللعبة" اللي أنت بتلعبها هتكسبها طول ما أنت بتزعقلها كده !
أي حاجه قولها " طز" لأ مش كده
"طــــــــــــــــــزززززززززززززززززززز" لأنها فعًلا مش مستاهلة والله ..